Калектыў Палаца культуры г. Салігорска наведалі Салігорскі краязнаўчы музей

Сёння ў рамках рэалізацыі праекта «Па законах дабра» адбылася экскурсія «Годныя грамадзяне нашага краю». Калектыў Палаца культуры г. Салігорска наведалі Салігорскі краязнаўчы музей, дзе пазнаёміліся з ураджэнцамі Салігоршчыны — героямі Савецкага Саюза.

Імёны гэтых адважных землякоў назаўжды захаваны ў нашай памяці… Жук Аляксандр Апанасавіч, камандзір стралковага палка; Карж Васіль Захаравіч, камандзір партызанскага атрада, пакінуў глыбокі след у гісторыі свайго народа, бо ён шчодра любіў Беларусь, аддаваў ёй свае сілы ў тыя моманты, там, дзе гэта найбольш патрабавалася. Заслугі гэтага чалавека перад салігорскім краем неацэнныя; Муравіцкі Лука Захаравіч, лётчык, уваходзіў у дзясятку лепшых лётчыкаў, за 3 месяцы збіў 10 самалётаў; Наруцкі Дэаніс Сільвестравіч, камандзір Чырвонай Арміі, памочнік камандзіра танкавага батальёна 22-й танкавай брыгады; Сцямпкоўская Алена Канстанцінаўна, радыстка — героі, землякі, якія пакінулі незгладжальны след у нашай гісторыі.

Менавіта ў Год гістарычнай памяці так важна памятаць аб укладзе гэтых людзей, аб тым, што перамога была дасягнута агульнымі намаганнямі, а наша задача шанаваць памяць гэтых герояў, памятаць сваю гісторыю і ўрокі якія яна паднесла…